Vačulinkini

Zad Brkotovemi je podugasta pozemuljka va koj je živel Mate Mečulj, brat Jožetov. Pametin neč dece: dve sestri i sin Ive. Jena od teh sestar, Marija, je hodila va gimnaziju na Sušake, provala je pisat pesmi, malo je bivala doma. Teh, ke su po Marije, zvali Vačulinkini jako slabo poznan.
Amalija se bila, kad ja već nisan bil doma, oženila za Toneta od Marinić, ki je vozil korijeru od Sušaka va Grad, pa je š njen šla Marinićen živet. Berto, najstareji brat, se ni ženil, ga je pokle prigledal Drago Maretin, pa je ovisti se skupa Brkotovo na kraje redital.
Danas ni već nijenega od te vele familiji. Franjo, ki je ovde na Čukarice živel je bil najmlaji i zadnji od njih, pasani mesec smo ga zakopali pul njegove ženi Dobrili na Topčidersken groblje, na ken počivaju još puno Kastavac, ki su pokle 1922. leta semo prišli s trbuhon za kruhon, prišli i ovdeka do kraja ostali.