Lušijanovi

Pride se vanka od Grosmanoveh pa se mora pasat pod voltu da bi se prišlo do Carovice. Nad voltun su Lušijanovi, jedan del kući, a veći del mej Grosmanovun i Carovičinun kućun. Stari Lušijen je vavek neš kuntreštal kod da mu ni neč pravo. Ženu mu i hćer slabo poznan, a zet pak Frane je bil prišal z Meriki dezgracijan, je na očijah imel kod nekakovu mrenu i jako je slabo videl, ni mogal delat, a zgleda da je z Meriki malo neč talari prnesal. Je posejeval o lepen vremene pod Ćulićen skupa s Francikon Pizinon, Deškićen i Toneton Turkon, financeron va penžijone. Su se tu na sunce teplili, čagod ćakulali i pušili kad je ki imel, ma bat se nijedan, nego ako njin je ki dal, ki j´paseval. Pa tako do obeda i jutra nanovo.