Marjanovićevi

o Burkušoveh je kuća Marjanovićeveh. Tu je živela sama Antonija Marjanović, ma su je va Grade više znali kod Marjanovica udovica Vinka, ki je raneje delal na općine, a mat Milana Marjanovića nemirnega, agilnega i borbenega Kastavca, borca protiv crno – žute monarhije i zato progonjenega, novinara i književnika. Njegov nemiran i buran život opširno je opisan va knjige ˝Kastav i Kastavština˝ izdate 1931. leta. Mat je doma živela sama, sin bi ki put prišal je obać, ma koliko ja pametin je to bilo jako retko. Kad smo se po Crekvine kod dečina igrali pa bimo preveć zijali, ona bi prišla s kući vanka i bi nas prosila da ne zijamo toliko, neka to bude malo slabeje, od njijeh vrat malo daje.