Filetovi

Čuju se batići i veli bati, ozvanja nakovalo, oganj jako gori, ga je videt i po dneve – to su Filetovi, poznati kovači za Grad i Vanjšćinu, kade su samo pul Spinčić Kovačevi – ki imaju kovačiju. Do Mežnaroveh bivaju va kuće na pod Ivan Rubeša, ma ga si zovu File, siguro po oce, z ženun jako pobožnun, bogomoljkun, sin Ive i nevesta Zorica od Karažićeveh, sestra Milovanu ki pak pul Fileta dela kod lavorant.