Kuća Mimice babi

Kuća Mimice babi, ka je i mane pobrala na današnji dan, okol uri zapolnoćun, prej 71 leto, je bila na kraje kontra Fortice. Mima je delala svoje delo kod babica, najveć po Grade. Pul nje je pak bil na fite Rok Grošelj, upravnik pošti va Grade let i let. To je bil Kranjac, baš trdi Kranjac, nikad ni niš navadil po domaću, ni se z nijenen z Grada družil ni va oštariju hodil. Jedini mu je posal bil od domi poć do pošti, storit svoje delo tamo i vrnut se doma, nikamo drugamo, ni na Forticu prošetat kod i drugi impjegati.