ZVUČNI ZAPIS
MARETINI – TRANSKRIPT
Pul Maretineh je bil otac Mate Blečić z ženun, s hćerun i sinon Dragoton, ki je pul Jožića Haramije na općine delal kod pratiku za postat impjegat. Njih su još zvali i Neslanovi, ma su raje čuli kad bi se reklo Maretini.
Mate je po arte bil kovač ma ni imel svoje kovačije. San gledal kad je pul Slocaroveh, sako leto pred sajmi na pozime, delal fornaži za rakijni kotli, a i manice za kotli ke su se kovale od železa. Rad je politikal i bi stal pul Nandota Frduli va butige i poslušal kako i ča Nando politika, to kad ni imel jako dela. Pokle bi to ča j’ tamo čul povedal drugen, a da bude sigurneje, vavek bi najprej rekal: „Nando je rekal…“. Kad san šal od domi ća je Drago već bil impjegat na općine a sestra njegova Zdenka je bila doma z materun. Su imeli čagod grunta neznan.
FOTOGRAFIJE
