Lokvina

eč bi reć i za Lokvinu, velu općinsku šternu za vreme kad san doma živel. Šterna je raneje imela dva grla, sa zirezana i zlizana od špagi na sićeh, kad su se puni vukli z vodi vanka. Na grle, na ken piše ča su Kastavci storili z kapitanon Morelli -jen je bil pokrov ki se zapiral za vreme vele suši, a župan ga je opiral jutro i h večeru za delit vodu žensken ke su va tu dobu čekale napunit brenti. Na drugen grle je bilo predelano i stavljena pumpa z velen kolon ko se j´moralo obrnjat, a nutre su po jenoj kadene zajimale, kod duboki vrči, vodu, zilevali va jenu kanel kuda j´voda tekla vanka va sić. Ta pumpa je više vremena bila pokvarena, neč se nutre bilo otkinulo, su ju provali popravit pa niš, na kraje su ju zneli ća i pustili oprto, kvadrato grlo.